بغلان ولایت کې بريښنایي کتابتون پرانیستل شو
پنجشنبه ( ۲۳ د شوال المکرم ۱۴۴۵ ) د اطلاعاتو او فرهنګ وزارت د ځوانانو چارو معینیت له لوري د اکټید مؤسسې په مالي همکارۍ د افغان ځوانانو د ظرفیت لوړونې، ټولنیز تعامل او علمي سرچینو ته د لاس رسي په موخه بریښنایي کتابتون (Digital library) پرانیستل شو.
د ځوانانو چارو معین قاري محمد یونس راشد وویل: په ازمایښتي ډول دغه پروګرام د ځوانانو چارو معینیت له لوري د ټکنالوژۍ د کارونې په برخه کي د ځوانانو د پیاوړتیا او علمي سرچینو ته د لاس رسي په موخه پیل شوی او د ښو پایلو د درلودلو په صورت کي به یي د هیواد ټولو ولایتونو، ولسوالیو او کلیو ته وغځوي، په اوسنیو شرایطو کي اړتیا ده چي د هیواد ځوانان د نوې ټکنالوژۍ په کارولو کې وړتیا ولري او د نړۍ له نورو هیوادونو سره د سیالۍ جوګه شي.
د اکټید مؤسسې د ځوانانو د پیاوړتیا پروژې مدیر شهیر امیني وویل: دغه پروژه د ټکنالوژۍ په برخه کې د ځوانانو د وړتیاوو د لوړولو په موخه په مرکزي بغلان، پلخمري او ډنډغوري ولسوالیو کي پلي کیږي، چي ۱۲۰ ځوانان یې تر پوښښ لاندې نیولي دي.
ديادونې وړده چي په یاد بریښایي کتابتون کي د دیني او عصري علومو زرګونه بریښنایي کتابونه په مختلفو ژبو سره ځای پر ځای شوي دي.
۲۰۲۴/۵/۲ میلادي
۱۴۰۳/۲/۱۳ هـ ل
