تخار کې د سیرت النبي ﷺ سيالۍ پایلې اعلان شوې
د تخار ولايت د اطلاعاتو او کلتور رياست د ځوانانو چارو آمریت د دې ولايت د پوهنتون رياست او پوهنې رياست سره په همغږۍ له ۳۵۰۰ تنو څخه د سیرت النبي ﷺ ازموينه اخستې وه، چې پايلې يې د يوې غونډې په ترڅ کې اعلان او غوره ګډونوال يې په ډاليو ونازول شول.
د ځوانانو چارو آمر مولوي عین الدين مطمئن د يادې سيالۍ موخه د رسول اکرم ﷺ له سیرت څخه د ځوانانو خبرول او د مطالعې دود پراختیا ورکول ياد کړل او ويې ويل: د هرې مسلمانې ټولنې ځوانان مکلف دي چې د رسول اکرم ﷺ له سیرت او صورت څخه ځان خبر کړي.
د يادونې وړ ده، چې د لومړي مقام څخه تر پنځم مقام ګټونکو ته په نوبت سره کمپيوټر، موبایل، ساعت او کوچني مبايلونه او تر څلويښتم مقام ګټونکو ته د سیرت النبي ﷺ او فکري جګړې کتابونه ډالۍ شول.
۱۴۴۶/۴/۲۱ هـ ق
۱۴۰۳/۸/۳ هـ ل
