د ولس پاله اسلامي او ملي ځوانانو ټولنې غړو د اطلاعاتو او کلتور رئیس سره وکتل
د ننګرهار ولايت د ولس پاله اسلامي او ملي ځوانانو ټولنې مسوول او غړو د اطلاعاتو او کلتور له رئیس مولوي نور محمد حنیف سره وکتل
د یادې ټولنې مسوول ولي الله سالارزي د اطلاعاتو او کلتور له رئیس څخه د چارو په ترسره کولو کې د ملاتړ څرګندولو ترڅنګ وویل: د اطلاعاتو او کلتور ریاست څخه ډېره مننه کوو، چې په ډېرو کمو او نشتو امکاناتو یې د ننګرهار ځوانانو لپاره ډېر څه وکړل، مونږ غواړو خپل ټول ځوانان په اسلامي او ملي روحیه وروزو او په هغو ځوانانو هم، چې په بهرنیو هېوادونو کې ژوند کوي غږ کوو، چې خپل هېواد ته راشي او خپل کور کې د عزت ژوند وکړي.
د اطلاعاتو او کلتور رئیس د یادې ټولنې مسوولینو ته د هر راز همکارۍ ډاډ ورکړ او په ځینو برخو کې يې ورته سپارښتنې هم وکړې.
۱۴۴۵/۶/۱۴ هـ ق
۱۴۰۲/۱۰/۶ هـ ش
