د اطلاعاتو او فرهنګ ریاستونو اړوند وړیا ښوونیز مرکزونو څخه سلګونه زده کوونکي فارغ شول
د کونړ او غزني د اطلاعاتو او فرهنګ ریاستونو اړوند د وړیا ښوونیزو مرکزونو له انګلیسي او کمپیوټر ټولګیو څخه شاوخوا ۱۹۰ تنه زده کوونکي فارغ شول.
فراغت غونډې ته د وینا پرمهال د اطلاعاتو او فرهنګ ریاستونو مسؤلینو د علم ترلاسه کولو، د عثماني خلافت او اسلامي تاریخ په اړه خبرې وکړې او ویې ویل: ځوانان باید د دښمنانو د پټو توطیو او د اسلامي امت پر وړاندې د فکري مبارزې په اړه چمتو اوسي.
مسؤلینو ځوانان د علم ترلاسه کولو ته وهڅول او له هغوی څخه یې وغوښتل چې ځانونه د علم په ګاڼه سمبال کړي، د عصر له اړتیاوو سره سم مهارتونه زده کړي، ځکه له دښمن سره د علمي او فکري مبارزې لپاره تر ټولو اغېزمنه وسیله علم او پوهه ده او ځوانان باید په یو ګډ فکر او هدف سره د خپل هېواد او ټولنې د پرمختګ لپاره هڅې وکړي.
۱۴۴۸/۳/۲۰ هـ ق
