د کتاب ارزونې کمېسیون نوبتي غونډه ترسره شوه
دوشنبه (۱۴۴۸ د صفرالمظفر۲۶مه) د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه د خپرونو چارو معین ښاغلي مهاجر فراهي په مشرۍ ترسره شوه.
په دې غونډه کې د یو شمېر کتابونو په اړه پرېکړې وشوې او هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه.
همدارنګه د ۲۴ بېلابېلو عنوانونو درلودونکي ۳۸ ټوکه صادر او وارد شوي کتابونه وارزول شول او ۱۹ ټوکه راجع شوي کتابونه د کمېسیون غړو ته وسپارل شول، ترڅو، په راتلونکې ناسته کې یې راپور وړاندې کړي.
په دې ناسته کې د یو شمېر خپرندویانو ترمنځ د حقوقي ستونزو په اړه هم بحث وشو او په دې برخه کې لازمې پرېکړې وشوې. همدارنګه، د یو شمېر طبي کتابونو په اړه بحث وشو او پرېکړه وشوه، چې دغه کتابونه د نظر ورکولو په موخه د لوړو زدهکړو وزارت ته واستول شي.
د غونډې په پای کې د ولایتي کمېټو اړوند موضوعات هم وڅېړل شول او په دې اړه لازمې پرېکړې وشوې.
