هرات کې د شعر، ادب او ترنم ښوونيز سمينار ترسره شو
د اطلاعاتو او کلتور وزارت د هنر او کلتور معينيت اړوند د ترنم او ترانو رياست له لوري د اطلاعاتو او کلتور رياست په همکارۍ په هرات ولايت کې د زون په کچه د شعر، ادب او ترنم ښوونيز سمينار او مشاعره ترسره شول.
ياد سمينار او مشاعره کې د زون په کچه شاعرانو، اديبانو، استادانو او مسؤلينو ګډون کړی و، چې پکښې د شعر، ادب او ترنم په اړه معلومات شريک شول.
د ترنم او ترانو رياست رئيس مولوي امان الله مستغفر د سمينار په اړه وویل: هڅه کوي، تر څو په ټول هېواد کې د شاعرانو او اديبانو ترمنځ همږغي رامنځته کړي او شعر او ترنم ته د ادب په چوکاټ کې په مسلکي ډول پراختيا ورکړي.
همدا راز د مشاعرې په برخه کې هغه شاعرانو ته چې غوره شعرونه يې ويلي وو، د ترنم او ترانو رياست له لوري ستاينليکونه ورکړل شول.
۱۴۴۶/۵/۱۸ هـ ق
۱۴۰۳/۸/۳۰ هـ ل