د سمنګان ولايت له لرغونو او تاريخي آبدو څخه ليدنه وشوه

wares_admin
Wed, May 15 2024 9:17 PM
…

سه‌شنبه (۶ د ذوالقعدې ۱۴۴۵) د اطلاعاتو اوفرهنګ وزارت مسلکي پلاوي د سمنګان ولايت له لرغونو او تاريخي ابدو څخه ليدنه وکړه.

د سمنګان ولايت د اطلاعاتو او فرهنګ رياست د لرغون پيژندنې مدير ذبيح الله سعيدي وويل: د علومو اکاډمۍ د کوشانيانو دورې د څېړنو د مرکز د مشر او د اطلاعاتو او فرهنګ وزارت د لرغون پيژندنې ټيم غړي کتاب خان فیضي په مشرۍ او د تاريخي آبداتو د سروې آمر عبدالاحدزي په ملتيا د تاريخي آبدو د حريم ټاکلو په موخه ياد ولايت ته سفر کړی، چې د رستم تخت، هزار سم کوکجر، د زاړه ښار له بالاحصار او د خلم ولسوالۍ د جهان نما باغ څخه د لاسته راغلو تاريخي آثارو څخه يې ليدنه وکړه.

د اطلاعاتو او فرهنګ رئيس مولوي فیروزالدين منيب د لرغونو آثارو او تاريخي آبدو د حريم ټاکنې، بیارغونې او ساتنې په موخه د اطلاعاتو او فرهنګ وزارت له لوري د پلاوي د رااستولو له امله خوښي څرګنده کړه او دا يې يو نيک اقدام وباله.

۱۴۰۳/۲/۲۵ هـ ل
۲۰۲۴/۵/۱۴ میلادي