د اطلاعاتو او کلتور رئیس د محبس له ښوونيزو ټولګیو څخه لیدنه وکړه
د سرپل ولايت د اطلاعاتو او کلتور رئیس ملا عبدالغفار حقنما د ولایت مقام د کارکوونکو د چارو آمر مولوي مکرمین سبحاني په ملتیا د دې ولایت د محبس له ښوونيزو ټولګيو څخه لیدنه وکړه.
ملا عبدالغفار حقنما وویل: زندان د اصلاح او توبې ځای دی، تاسو باید له دې فرصت څخه د خپلو دیني او علمي معلوماتو د زیاتولو لپاره ګټه واخلئ، ترڅو وکولای شئ نوی ژوند پیل کړئ.
نوموړي د محبس مسؤلینو ته د دیني پوهې د لوړولو او د محبوسینو د اصلاح او روزنې د روحیې د پیاوړتیا په موخه له ۵۰ ټوکو څخه زیات د عالیقدر امیرالمومنین حفظه الله د مجاهدینو لپاره لارښود په نوم کتاب ډالۍ کړ.
همدارنګه مولوي مکرمین سبحاني هم زندان د ځان جوړونې لپاره غوره مدرسه وبلله او زیاته یې کړه: زده کړه د بدلون کيلي ده؛ هڅه وکړئ له دې فرصت څخه په ګټه اخیستلو خپله پوهه په بېلابېلو برخو کې لوړه کړئ او ځانته یو روښانه راتلونکی جوړ کړئ.
۱۴۴۶/۷/۲۴ ق
۱۴۰۳/۱۱/۶ ل
