د هلمند ښوونیز مرکز زده کوونکو ته د فکري جګړې په نوم یو ورځنی سمینار جوړ شو

د هلمند ولایت د اطلاعاتو او کلتور ریاست د ځوانانو چارو آمریت له لوري د هلمند ښوونیز مرکز زده کوونکو او ځوانانو ته د فکري جګړې په نوم یو ورځنی سمینار وړاندې شو.
د سمینار ګډونوالو ته د خبرو پرمهال د ځوانانو چارو آمر وویل: له یاد سمینار څخه موخه د ځوانانو بیداري او فکري پوهه ورکول دي، موږ بااستعداده ځوانان لرو، غوره مو وبلله چې د فکري جګړې اړوند سمینار جوړ او په دې اړه معلومات ورته وړاندې کړو.
نوموړي پر فکري جګړې هر اړخیز بحث وکړ او ويې ویل: فکري جکړه د پخوا څخه را پیل شوې او تر اوسه پورې دوام لري، دا جګړه تر نظامي جګړې څو برابره خطرناکه ده، فکري جکړه کلتور، عقیدې، اسلامیت او انسانیت ته زیان رسوي، ځکه مسلمان باید په عقیدوي لحاظ جوړ اوسي، تر څو د ټولنې د اصلاح ذریعه وګرځي.
د یادونې وړ ده، چې د ځوانانو چارو آمریت تل هڅه کوي، تر څو د ځوانانو د ذهنیت جوړونې او دوی ته د پرمختګ په موخه ورته سمینارونه جوړ کړي.

۱۴۴۶/۹/۱۳ ق
۱۴۰۳/۱۲/۲۳ ل