د تیکا موسسې رئیس د بادغیس ولایت د اطلاعاتو او کلتور له رئیس سره وکتل
تېره ورځ د تیکا موسسې رئیس (عرفات دنیز) د هرات ولایت څخه بادغیس ته د خپل سفر په ترڅ کې د اطلاعاتو او کلتور له رئیس اخندزاده مطیع الله متقي سره وکتل.
ښاغلي دنیز ژمنه وکړه چې د ځوانانو د روزنيز مرکز د تجهيز، د روزنيزو پروګرامونو د تنظيم، د اطلاعاتو او کلتور رياست له لوري د وړانديز شويو کتابونو د چاپ او د دغه رياست د اداري ودانۍ د ترميم په برخو کې به همکاري وکړي.
په ورته وخت کې ښاغلي متقي د تیکا دفتر د مشر په شتون خوښي څرګنده کړه او د افغانستان له خلکو سره یې د دوست هېواد ترکیې په ځانګړې توګه د تیکا موسسې د دوامداره مرستو له امله مننه وکړه.
۱۴۴۵/۵/۵ هـ ق
۱۴۰۲/۸/۲۸ هـ ش
