چین د افغانستان د فرهنګي میراثونو بیا رغونه کې ونډه اخلي

farzad_moicgovaf
دوشنبه ۱۴۰۱/۴/۲۷ - ۱۳:۵۴
چین د افغانستان د فرهنګي میراثونو بیا رغونه کې ونډه اخلي

د چین چارواکي وايي چې دغه هېواد چمتووالی لري چې د افغانستان د فرهنګي او تاریخي بنسټونو په بیا رغونه کې ونډه واخلي.
دغه څرګندونې په افغانستان کې د چین د اقتصادي او فرهنګي برخو مسؤل (ماسټر خون او) او ورسره مل پلاوي د اطلاعاتو او فرهنګ وزارت د فرهنګ او هنر له معین مولوي عتیق الله عزیزي سره په کتنه کې کړې دي.
په دې کتنه کې د اطلاعاتو او فرهنګ وزارت د فرهنګ او هنر معین مولوي عتیق الله عزیزي د چین له همګاریو مننه کړې، چې د اسلامي امارت په واکمنېدو سره يې په سختو شرایطو کې همکارې کړې او له افغانانو سره یې خپله دوستي په عمل کې ثابت کړې ده.
عزیزي زیاته کړې، هیله لري چې چین پر اقتصادي همکاریو سربېره په فرهنګي، هنري او لرغون پېژندنې برخو کې خپلې تجربې له دغه وزارت سره شریکې کړي.
د فرهنګ او هنر معین د لوګر په مس عینک کې د تاریخي او لرغونو اثارو ساتنې ته هم نغوته کړې او زیاته کړې یې ده چې له MCC کمپنې سره له نږدې کار کوي چې هم د مس عینک کان د استخراج چارې پیل شي او هم هلته موجود تاریخي اثار او لرغونې سیمه له تخریب څخه وژغورل شي.
په همدې حال کې په افغانستان کې د چین د اقتصادي او فرهنګي برخو مسؤل (ماسټر خون او) په فرهنګي برخو کې د مشخصو همکاریو ډاډ ورکړی او ویلي یې دي چې افغانستان د تمدونو او تاریخونو کور دی او چین یې د فرهنګي میراثونو بیا رغونې ته چمتووالی لري.
د یادونې وړ ده چې د اطلاعاتو او فرهنګ وزارت ویلي چې ملي یووالي، د اسلامي فرهنګ ودې او د فرهنګي میراثونو ساتنې ته به ځانګړې پاملرنه کېږي. یاد وزارت د فرهنګي میراثونو ساتنه د ټولو افغانانو ګډ مسوولیت بللی دی.

کابل، د چنګاښ ۲۷ مه، باختر

تازه خبرونه

چهارشنبه ۱۴۰۱/۷/۶ - ۱۵:۰
Background image

ملا خیرالله خیرخواه: په افغانستان کې اسلامي نظام واکمن شوی دی، خو ساتنه او تقویت یې زموږ ګډ مسوولیت دی

د  اطلاعاتو او فرهنګ وزارت د خپرونو چارو معینیت، نن د امارتي وزارتونو او مستقلو ادارو له ویاندویانو سره د همغږۍ غونډه  وکړه.

د باختر آژانس خبریال د خبر له مخې؛ د کابل په بابر بڼ کې په. . .

چهارشنبه ۱۴۰۱/۷/۶ - ۱۴:۰
Background image

نمایشگاه آثار هنری ” نقاشی و رسامی نفس تازه” افتتاح شد

مولوی سعد الدین سعید معین مالی، اداری و گرځندوی وزارت اطلاعات وفرهنگ، امروز نمایشگاه آثار هنری ” نقاشی و رسامی نفس تازه” را در نگارستان ملی افتتاح کرد .

به گزارش خبرنگار آژانس باختر؛. . .

سه‌شنبه ۱۴۰۱/۷/۵ - ۱۶:۰
Background image

اطلاعاتو او فرهنګ وزارت د ګرځندوی نړېواله ورځ ونمانځله

د رياست الوزرا اداري مرستیال مولوي عبدالسلام حنفي د ګرځندوی د نړیوالې ورځې په نمانځغونډه کې وویل چې اوس په افغانستان کې د ګرځندوی او د ګرځندوی صنعت د ودې لپاره ښه زمینه برابره شوې ده.

. . .

BACK TO NEWS