پکتیکا کې د رسنيو له مسؤلينو او خبریالانو سره د همږغۍ میاشتنۍ ناسته وشوه
د پکتیکا ولایت د اطلاعاتو او کلتور رياست رئیس ملا محمد امین حذیفه د رسنيو له مسؤلينو او خبریالانو سره د همږغۍ میاشتنې ناسته وکړه.
په پیل کې د اطلاعاتو او کلتور رياست رئیس ملا محمد امین حذیفه خبریالانو ته د ښه راغلاست ترڅنګ وویل: د ټولو خبریالانو هڅې د ستایلو وړ دي، د پکتیکا د خلکو ستونزو او لاسته راوړنو ته مو په بشپړ ډول انعکاس ورکړی، شپه او ورځ مو خپلو کارونو ته دوام ورکړی او خوشحاله یم چې ټول خبریالان په خپلو منځونو کې سره همږغي دي.
ورپسې د پښتون غږ راډیو خبریال عبدالباري نعیمي د اطلاعاتو او کلتور رياست د مسؤلينو کړنې وستایلې او قدردانی یې وکړ.
ښاغلي نعيمي زياته کړه؛ خوشحاله یو، چې د اطلاعاتو او کتلور رياست د ټولو رسنیو سره په زیات اخلاص او همږغۍ سره چارې مخکې وړي او هغه ستونزې چې خبريالان ورسره مخ کېږي د مسؤلينو له لوري پر وخت رسیدګي ورته شوي.
د ناستې ټولو ګډونوالو خبریالانو او د خبریالانو د خوندیتوب کمېټي مشر د اطلاعاتو او کلتور رياست هڅې وستایلې او قدر دانی وکړ.
۱۴۴۶/۳/۲۰ هـ ق
۱۴۰۳/۷/۲ هـ ل
