پکتیا کې د (امام ابو حنیفه رحمة الله علیه پېژندنې او تګلارې) تر سرلیک لاندې یو ورځنی سمینار ترسره شو

tawana_admin
پنجشنبه ۱۴۰۳/۱۰/۲۷ - ۱۰:۹
sdfg

د پکتیا ولايت د اطلاعاتو او کلتور ریاست، د ارشاد، حج او اوقافو ریاست او د الکوثر فرهنګي ادارې په ګډې همږغۍ د (امام ابو حنیفه رحمة الله علیه پېژندنې او تګلارې) تر سرلیک لاندې د ګردېز اړوند مسجدونو خطیبانو او ملا امامانو ته یو ورځنی سمینار ترسره شو.
د اطلاعاتو او کلتور رئیس مولوي ثواب جان اسلام یار د سمينار په پیل کې وویل: د دې سمینار څخه موخه دا ده، چې د حنفي مذهب په اړه ډېر پوهاوی وشي تر څو له خپل مذهب څخه دفاع وکړو. 
نوموړي زیاته کړه؛ امام ابو حنیفه رحمة الله علیه د ژوند ټولو برخو لپاره داسې اصول ټاکلي، چې موږ يې ګام په ګام عملي کوو او پر تطبیق یې مکلف یو.
د پکتیا مرستیال والي شیخ انعام الله صلاح الدين د امام الأعظم ابو حنیفه رحمة الله علیه پر ژوند او تقوا ارزښتناکې خبرې وکړې او ویې ویل: حنفي مذهب یو بشپړ، جامع او د اعتدال مذهب دی، چې هرې مسئلې ته په دلیل او ثبوت جواب ویوونکی دی، او اکثره د نورو مذاهبو پیروان یې هم مطالعه کوي.
مرستيال والي صاحب علماء کرامو ته سپارښتنه وکړه، چې په سمينار کې د شيوخ عظامو تقريرونه په غور واورئ، ياداښت يې کړئ او پخپلو مسجدونو او مدرسو کې طالبانو او عوامو ته يې د يو سپيڅلي امانت په ډول ورسوئ، ځکه دا ستاسو مکلفيت او مسؤليت دی، چې خلک د اسلام او مذهب له خوندونو او اهميت خبر کړئ.
ورپسې د خوست ولایت یو تن دیني عالم شیخ معلم جان حنفي د امام اعظم ابو حنیفه رحمة الله علیه پېژندنې په اړه تفصیلي خبرې وکړې او ویې ویل: د امام ابو حنیفه رح د مذهب تګلاره په قرآن کریم، نبوي احاديثو، اجماع او قیاس ولاړه ده، په حنفي مذهب عمل کول په اصل کې په قرآن کریم او احادیثو عمل کول دي، په همدې اساس حنفي مذهب څخه دفاع له قرآن کریم او احاديثو څخه دفاع ده، چې موږ او تاسې پرې مکلف یو.
د پکتیا د علماوو شورا رئیس شیخ صالح محمد فقیر د یاد سمینار په وروستیو کې وویل، د اسلامي نظام په چوکاټ کې علماء مسؤلیت لري، چې د حنفي مذهب لپاره کار وکړي، خلک په دې مذهب او مسائلو باندې پوی کړي او په ټولنه کې د غیر مشروع کارونو مخنیوی وکړي.

۱۴۴۶/۷/۱۵ ق
۱۴۰۳/۱۰/۲۷ ل

تازه خبرونه

سه‌شنبه ۱۴۰۳/۱۱/۲۳ - ۱۳:۳۸
Background image

د جهادي ارزښتونو د ساتنې په اړه د بېلابېلو ادارو له استازو سره د همغږۍ غونډه وشوه

د اطلاعاتو او کلتور وزارت د رهبرۍ له لوري د جهادي ارزښتونو د ساتنې په اړه د ځینو نورو ادارو له استازو سره د همغږۍ غونډه  وشوه.
غونډه کې د ګرځندوی، مالي او اداري چارو معین مولوي قدرت. . .

سه‌شنبه ۱۴۰۳/۱۱/۲۳ - ۱۱:۱۸
Background image

پروان کې د خبریالانو د مهارت لوړونې یو ورځنی ښوونیز او فکري سیمینار  جوړ شو

دغه علمي، فکري او د خبریالۍ مهارتونو ښوونیز پروګرام د پروان ولایت مقام، د اطلاعاتو او کلتور ریاست او د تنویر فکري او کلتوري ادارې په همغږۍ د محلي ادارو د خبریالانو او مطبوعاتي مسؤلینو. . .

دوشنبه ۱۴۰۳/۱۱/۲۲ - ۱۳:۵۴
Background image

د کتابونو د ارزونې کمېسیون نوبتي غونډه وشوه

دوشنبه، د (۱۴۴۶ هـ ق کال د شعبان ۱۱مه) د اطلاعاتو او کلتور وزارت د خپرونو معینیت کې د کتابونو د ارزونې کمېسیون نوبتي غونډه وشوه.  
په دې غونډه کې د اطلاعاتو او کلتور وزارت د خپرونو چارو. . .

BACK TO NEWS