هلمند کې د ځوانانو چارو آمريت د لوړو زده کړو موسسې مسؤلينو سره د همږغۍ ناسته وکړه
د هلمند ولایت د اطلاعاتو او کلتور ریاست د ځوانانو چارو آمر مولوي حیات الله یوسف او د اراکوزیا د خصوصي لوړو زده کړو موسسې مؤسس قدرت الله یعقوبي او د علمي چارو مرستیال محمد ولي ولي تر منځ د همږغۍ غونډه وشوه.
په دې غونډه کي دواړو لوریو له یو بل سره د همکاریو او د ځوانانو لپاره د لوړو زده کړو زمینې برابرولو باندې خبرې وکړې.
په دې غونډه کې موافقه وشوه، چې په راتلوونکي کې به په یادې موسسې کې د هغو ځوانانو لپاره چې د اطلاعاتو او کلتور ریاست له لوري ور معرفي کیږي، په تخفیف سره د شمولیت زمینه برابریږي، تر څو ځوانان وکولای شي، چي لوړو زده کړو ته بغیر له کومې ستونزې لاس رسی پیدا کړي.
۱۴۴۶/۲/۲۵ هـ ق
۱۴۰۳/۶/۸ هـ ل
