هلمند کې د سياحتي شرکتونو له مسؤلینو سره د همغږۍ غونډه وشوه

د هلمند ولایت د اطلاعاتو او کلتور رياست د غونډو په تالار کې د فرهنګ او ګرځندوی آمر په مشرۍ د سياحتي شرکتونو له مسؤلینو سره د همغږۍ غونډه وشوه.
د فرهنګ او ګرځندوی آمر وویل: د بشپړ شفافیت رامنځته کولو په موخه د سیاحتي شرکتونو مسؤلین باید د اسلامي امارت د نافذه قوانینو په رڼا کې فعالیتونه ترسره کړي، نوموړي د یادو شرکتونو له مسؤلینو څخه غوښتنه وکړه، چې د مسافرینو لپاره لازمې اسانتیاوي برابرې کړي، تر څو مسافرین له ستونزو سره مخ نه شي.
د غونډې پر مهال د سیاحتي شرکتونو مسؤلینو د اطلاعاتو او کلتور ریاست له مسؤلینو څخه مننه وکړه، چې ستونزو ته یې پر وخت رسیدګي کوي او ژمنه یې وکړه، چې ټولې چارې به د اطلاعاتو او کلتور ریاست سره په همغږۍ ترسره کوي.
د یادونې وړ ده، چې د غونډې په لړ کې د سیاحتي شرکتونو مسؤلینو په خوښه د هلمند ولایت د سیاحتي شرکتونو اتحاديې استازي هم وټاکل شول.

۱۴۴۷/۳/۲۵ هـ ق