قلموالو ځوانانو ته د اسلامي امارت د پالیسۍ په اړه سمینار وړاندې شو
د زابل ولايت د اطلاعاتو او کلتور ریاست اړوند د ځوانانو چارو آمریت قلموالو ځوانانو ته د اسلامي امارت په پالیسۍ باندې د پوهاوي په موخه سمینار جوړ کړ، چې پرمهال یې د اطلاعاتو او کلتور ریاست رئیس مولوي رحمت الله حماد، د امنیه قوماندانۍ د امنیتي چارو مرستیال مولوي محمد طیب صابر، د امر بالمعروف او نهی عن المنکر رئیس خلیفه محمد ابراهیم جاوید، د علماوو شورا استازي مولوي عبدالله، د ولایت مقام ویاند مولوي صدیق الله وثیق، لسګونه قلموالو ځوانانو او د رسنیو استازو برخه لرله.
یاد سمینار چې د یوې ورځې لپاره جوړ شوی و، پکښې د مسؤلینو له لوري ځوانانو ته د اسلامي امارت د رسنیزې پالیسۍ په اړه هر اړخیز معلومات وړاندې شول او قلموال ځوانان په ټولنه کې خپلو مسؤلیتونو ته متوجه کړل شول، مسؤلینو له ځوانانو وغوښتل چې د رسنیز علم په لرلو سره باید ټول قلموال د ټولنې د اصلاح، عامه پوهاوي او پرمختګ لپاره کار وکړي.
قلموالو ځوانانو د خوښۍ په څرګندولو سره وویل: دوی د ټولنې د اړتیا په درک کولو سره متوجه دي او د خپلو قلمونو په وسیله غواړي دین، وطن او خلکو ته خدمت وکړي.
۱۴۴۶/۵/۱۷ هـ ق
۱۴۰۳/۸/۲۹ هـ ل
