سرپل کې د راستنو شویو کډوالو د ملاتړ په موخه غونډه تر سره شوه
تېره ورځ سرپل ولایت د اطلاعاتو او کلتور ریاست له خوا د راستنو شویو کډوالو د ملاتړ په موخه غونډه تر سره شوه.
په غونډه کې يو شمېر سيمه ييزو مسؤلينو، ځوانانو، د رسنيو استازو او خبريالانو ګډون کړی و، د غونډې په جریان کې له پاکستان او ايران څخه د راستنېدونکو کډوالو پر ملاتړ او همکارۍ ټينګار وشو.
همدارنګه د سرپل ولايت د اطلاعاتو او کلتور رئيس ملا عبدالغفار حقنما را ستانه شوي ګډوال ديني وروڼه وبلل او زياته يې کړه، چې موږ بايد د دوی لپاره خپله ديني دنده ترسره کړو او له دوى سره د کور او د لومړنيو اړتياوو په برابرولو کې همکاري وکړو.
په ورته وخت کط د امربالمعروف او نهی عن المنکر د محتسبینو آمر مولوي محمد یعقوب حنفي او د سرپل علماوو د شورا استازي مولوي محمد ظاهر هم په دې برخه کې له راستانه شویو هېوادوالو سره د همکاري په برخه کې ډاډ څرګنده کړ.
۱۴۴۵/۵/۱ هـ ق
۱۴۰۲/۸/۲۴ هـ ش
