د ضحاک لرغونې ښار څخه لیدنه ترسره شوه
د بامیان ولایت د اطلاعاتو او کلتور رئیس قاري سید مصطفی صالح د ضحاک لرغونې ښار څخه د عمومي حالت څیړلو په موخه لیدنه وکړه.
قاري سید مصطفی صالح وویل، چې د دغه ښار د مرمت کارۍ دویم فاز چارې په نږدې راتلونکي کې د یونیسکو نړیوالې ادارې په همکارۍ پیل کیږي.
نوموړي د ضحاک ښار له اوسیدونکو څخه وغوښتل، چې د دغې تاریخي ښار په ساتنې کې د خپل مسؤلیت اداء او د هر ډول خپل سرې بیارغونې او کیندنې په صورت کې د اطلاعاتو او کلتور ریاست او یا امنیتي ادارو ته د خبر ورکړي.
په ورته وخت کې د اطلاعاتو او کلتور رئیس د ۰۱۲ قطعې منسوبینو څخه وغوښتل چې منظمه توګه د یاد ښار وضعیت وخت په وخت څیړې او په خپلې سرې توګه د په یاد ښار کې د بیارغونې کارونو ته اجازه نه ورکوي.
۱۴۴۶/۱۲/۲۲ هـ ق
