د سیرت النبي(ﷺ) کتاب لوستنې سیالۍ مخکښ ګډونوال وستایل شول
د کاپیسا ولایت د اطلاعاتو او فرهنګ ریاست له لوري د تنویر فکري او فرهنګي ادارې په همکارۍ د ۵۰۰ تنو زده کړیالانو ترمنځ د سیرت النبي(ﷺ) کتاب لوستنې سیالۍ ترسره شوې وه، چې پایلې یې اعلان او ۱۰ تنه مخکښ ګډونوال یې په بېلابېلو ډالیو وستایل شول.
د کاپیسا ولایت د اطلاعاتو او فرهنګ رئیس مولوي کریم الله وثیق د یادې ازموینې له ګډونوالو څخه د مننې کولو ترڅنګ وغوښتل، چې د پیغمبر حضرت محمد مصطفی(ﷺ) د مبارک سیرت په پیروۍ سره خپل اسلامي رسالت په عمل کې هم ثابت کړي او له رسول الله(ﷺ) سره خپله مینه لا پیاوړې کړي.
د نوموړي په وینا؛ له دغې سیالۍ څخه موخه ځوانان د پیغمبر(ﷺ) له سیرت سره لا ښه آشنا کول او د پیغمبر(ﷺ) ستر شخصیت، اخلاق او کړنې په ټولنه کې عامول وو.
۱۴۴۸/۶/۴ هـ ق
