د رسنيو له مسؤلینو او خبريالانو سره د همږغۍ ناسته وشوه 

panah_admin
چهارشنبه ۱۴۰۳/۹/۱۴ - ۱۰:۴۳
...

په لغمان ولایت کې د اطلاعاتو او کلتور ریاست په هڅو د بېلابېلو رسنیو مسؤلینو او خبریالانو د لغمان والي شیخ شیراحمد حقاني سره وکتل، په دې ناسته کې د ختیځ زون د خبریالانو د خوندیتوب کمیټې مشر، د لغمان د خبریالانو د خوندیتوب کمیټې مشر، د ملي راډیو تلویزیون آمر، او یو شمېر خبریالانو ګډون کړی و.
د غونډې پیل د اطلاعاتو او کلتور رئیس مولوي عبدالنور رسولي په وینا وشو، نوموړي د لغمان ولایت د رسنیو او رسنیزو فعالیتونو په اړه معلومات وړاندې کړل او ويې ویل: په لغمان کې رسنیز فعالیتونه په ښه حالت کې دي، خبریالانو ته پر وخت معلومات رسیږي، خو د لا ښه والي لپاره باید نورې هڅې هم وشي.
ورپسې د رسنیو یو شمېر مسؤلینو او خبریالانو خپلې غوښتنې او وړاندیزونه د لغمان والي سره شریک کړل، هغوی غوښتنه وکړه، چې د پروژو د پرانېستلو او ګټې اخیستنې پر مهال دې خبریالانو ته له مخکې خبر ورکړل شي، ترڅو د دغو موضوعاتو سم او پر وخت انعکاس وشي، همدارنګه، د همغږۍ میاشتنۍ غونډې دې جوړې شي ترڅو د خبریالانو ستونزې او غوښتنې مسؤلینو ته په مستقیم ډول وړاندې شي.
د لغمان والي شیخ شیراحمد حقاني د ګډونوالو غوښتنې واورېدې او ډاډ یې ورکړ، چې د خبریالانو ستونزو ته به په وخت رسېدنه وکړي، هغه وویل: چې رسنۍ د نظام د کړنو او لاسته راوړنو په رسولو کې اساسي رول لري او حکومت یې ملاتړ کوي.
ښاغلي حقاني خبریالانو ته سپارښتنه وکړه، چې د حقایقو پر بنسټ راپورونه خپاره کړي او د مغرضو او تخریبوونکو رسنیو پر وړاندې دې خپلې ملي رسالت ترسره کړي.

۱۴۴۶/۶/۲ ھ ق
۱۴۰۳/۹/۱۴ ھ ل

تازه خبرونه

چهارشنبه ۱۴۰۳/۱۱/۱۷ - ۱۰:۲
Background image

د ګرځندوی، مالي او اداري چارو معين او مل پلاوي د ميدان وردګو ولايت د اطلاعاتو او کلتور رياست د چارو څخه لیدنه وکړه

چهار شنبه (۶ شعبان ۱۴۴۶) د اطلاعاتو او کلتور وزارت د ګرځندوی، مالي او ادارې چارو معين مولوي قدرت الله جمال، د مقام د دفتر رئيس مولوي احسان الله حسان، د معينیت مشاور مولوي واثق او د. . .

چهارشنبه ۱۴۰۳/۱۱/۱۷ - ۸:۵۸
Background image

د اطلاعاتو او کلتور وزارت د ګرځندوی، مالي او اداري چارو معين د ميدان وردګو ولايت له والي سره وکتل

د اطلاعاتو او کلتور وزارت اړوند د ګرځندوی، مالي او اداري چارو معين مولوي قدرت الله جمال، د مقام د دفتر رئیس مولوي احسان الله حسان، د کارکونکو چارو رياست رئیس مولوي نقيب الله نعمان او. . .

سه‌شنبه ۱۴۰۳/۱۱/۱۶ - ۱۹:۵۵
Background image

د بیګم راډیو نشرات وځنډول شوه

نن سه شنبه( ۵ د شعبان ۱۴۴۶) د اطلاعاتو او کلتور وزارت د پریکړي په اساس د بیګم په نوم یوه راډیو چې د اطلاعاتو او کلتور وزارت څخه یې نشراتي جواز درلود، د متعددو سرغړونو تر څنګ يې په بهر. . .

BACK TO NEWS