د اطلاعاتو او کلتور رئیس د زرنج ښار له خطاطانو او نقاشانو سره وکتل
د نیمروز ولایت د اطلاعاتو او کلتور رئیس مفتي حبیب الله الهام په خپل کاري دفتر کې د زرنج ښار له یو شمېر خطاطانو او نقاشانو سره ولیدل.
ښاغلي الهام د هنرمندانو د هڅونې او ملاتړ لپاره د اصولو په چوکاټ کې د همکاریو ډاډ ورکړ او ویې ویل: هڅه کېږي چې د هنرمندانو هنري آثار ټولنې ته وړاندې شي،په نږدې راتلونکي کې به د یاد ولایت د هنرمندانو د اثارو لپاره یوه ځانګړې هنري مجموعه جوړه شي، ځکه هنر په هره ټولنه کې د پرمختګ کلتوري ودې لپاره اړین دی او هر هنرمند باید د خپل هنر په ارزښت پوه شي.
په ناسته کې هنرمندانو د اطلاعاتو او کلتور ریاست له همکاریو مننه وکړه، خپلې ستونزې او وړاندیزونه یې شریک کړل او له اطلاعاتو او کلتور رياست سره يې د دوامداره همکارۍ ژمنه وکړه.
۱۹/۱۰/۱۴۴۶ ق
