پنجشیر کې د کتاب لوستنې کچه ۹۰ سلنه لوړه شوې
د پنجشیر ولايت د اطلاعاتو او کلتور ریاست مسؤلین وایي: د دې ولایت د اوسېدونکو په ځانګړي ډول د ځوانانو ترمنځ د کتاب لوستنې لیوالتیا د تېرو کلونو په پرتله ۹۰ سلنه لوړه شوې ده.
د اطلاعاتو او کلتور رئیس مولوي نصرالله ملکزاده وايي: د اسلامي امارت تر حاکمیت وروسته د کتاب لوستنې کلتور په ټول پنجشیر کې پراختیا موندلې او خلک تر پخوا ډېر ورته پام کوي.
د نوموړي په وینا؛ د ادبي او تاریخي آثارو لکه مثنوي معنوي او فردوسي شاهنامې لوستل په پنجشیر کې له پخوا راهیسې دود درلود او اوس هم د دې ولایت د کلتور یوه مهمه برخه ګڼل کېږي.
ښاغلی ملکزاده زیاتوي؛ د یوې سروې له مخې د پنجشېر شاوخوا ۹۰ سلنه اوسېدونکو کتاب لوستنې ته مخه کړې ده، چې دا شمېره د تېرو کلونو په پرتله د پام وړ زیاتوالی ښيي.
۱۴۰۳/۱۱/۱۷ ل
۲۰۲۵/۲/۵ ز
