فاریاب کې د رسنیو له مسؤلینو سره د همغږۍ ناسته وشوه
فاریاب اطلاعاتو او کلتور ریاست مسؤلینو د امـ..ارتي او خصوصي رسنیو له مسؤلینو سره د همغږۍ ناسته وکړه.
په دې ناسته د کې د اطلاعاتو او کلتور رئیس د وروستیو کلونو په لړ کې د رسنیو غوره فعالیتونو ترسره کولو له امله د مننې کولو ترڅنګ د غږیزو او چاپي رسنیو د جوازونو پر تمدید کولو او د ا.ا.ا پالیسي مطابق فعالیت کولو باندې ټینګار وکړ او د اطلاع رسونې په برخه کې یې د رسنیو ترمنځ همغږي مهمه وبلله. د اطلاعاتو او کلتور رئیس د رسنیو له مسؤلینو څخه وغوښتل چې د خبریالۍ مسلکي اصول او اخلاق لا په ښه توګه مراعت کړي او د غیر باوري سرچینو خبرونه خپاره نه کړي.
د ناستې په لړ کې د رسنیو مسؤلینو د اطلاعاتو او کلتور ریاست د همکاریو څخه د مننې کولو ترڅنګ اطلاعاتو ته د غوره لاس رسي او د شته ستونزو د حل غوښتونکي شول، چې د مسؤلینو له لوري د پوره همکاریو او د ستونزو حل ډاډ څرګند شو.
۱۴۴۷/۱۰/۲۷ ه- ق
