د غور ولایت د اطلاعاتو او کلتور رئیس د تاریخي ابداتو د ساتنې په اړه د قومي مشرانو سره وکتل

wali_admin
دوشنبه ۱۴۰۲/۱۲/۲۹ - ۱۵:۲۰
afg

 

نن دوشنبه د غور ولایت د اطلاعاتو او کلتور رئیس مولوي عبدالحی زعیم د لرغونو او تاریخي سیمو د ستونزو په اړه د قومي مشرانو سره وکتل او د لرغونو او تاریخي سیمو د ستونزو په اړه یې خبرې وکړې. 
 یاده غونډه په داسې حال کې ترسره شوه، چې د قلعه ضحاک په کلي کې چې تاریخي او لرغونې سیمه ده، یو شمېر خلکو په غیر قانوني ډول د دغو تاریخي ځایونو او ودانیو په حدودو کې کورونه جوړ کړي دي.
په یاده غونډه کې د اطلاعاتو او کلتور رئيس د قومي مشرانو ته د تاريخي ابداتو د قانون د ځينو مادو د بيانولو په ترڅ کې وويل، چې د ضحاک کلا يوه تاريخي ابده ده، چې ډیر لرغونی تاریخ لري. 
ښاغلي زعیم زياته کړه، چې ١٥ کاله وړاندې دغه سيمه د اطلاعاتو او کلتور وزارت د تخنيکي ټيم له خوا وڅېړل شوه او حدود يې مشخص شول.
ښاغلي زعیم وویل، هېڅوک په دې سيمه کې د قبضې، کور جوړولو او کيندنې حق نه لري. 
د سیمې قومي مشرانو  د لرغونو او تاريخي ځايونو د ساتنې په برخه کې د اطلاعاتو او کلتور له رياست څخه د  همکارۍ غوښتنه وکړه او ویې ويل، چې د اصولو او تګلارې له مخې موږ د لرغونو او تاريخي ځايونو د ساتنې لپاره هلې ځلې کوو او له ښاغلي زعیم څخه یې و غوښتل چې یو پلاوی یاد تاریخي ځای ته واستوي چې د تاریخي ځایونو او آثارو حدود وټاکي.
۱۴۴۴/۸/۲۷ هـ ق
۱۴۰۱/۱۲/۲۹ هـ ش
 

تازه خبرونه

دوشنبه ۱۴۰۳/۲/۳۱ - ۲۰:۱۴
Background image

زابل کې د رسنيو له مسؤلينو او خبريالانو سره د همغږۍ غونډه ترسره شوه

دوشنبه ( ۱۱ د ذوالقعدې ۱۴۴۵) د زابل  ولایت د اطلاعاتو او فرهنګ  ریاست له لوري د خبریالانو، د رسنیو له مسؤلينو او د امارتي ادارو له وياندويانو سره د همغږۍ غونډه ددې رياست د رٸيس مولوي. . .

دوشنبه ۱۴۰۳/۲/۳۱ - ۲۰:۱۰
Background image

تاریخي اثار د ټول ملت ګډه شتمني ده

دوشنبه ( ۱۱ د ذوالقعدې ۱۴۴۵) د ننګرهار ولايت اطلاعاتو او فرهنګ ریاست په ښوونیز مرکز کې د موزیم نړیوالې ورځې نمانځلو پرمهال د موزیم اړوند په لسګونه قلمه د بېلابېلو دورو تاريخي اثار هم. . .

دوشنبه ۱۴۰۳/۲/۳۱ - ۱۳:۰
Background image

د اطلاعاتو او فرهنګ رئيس له نوښتګرو ځوانانو سره وکتل

یک‌شنبه (۱۰ د ذوالقعدې ۱۴۴۵) د هرات ولايت د اطلاعاتو او فرهنګ رئيس مولوي احمدالله متقي په خپل کاري دفتر کې له يو شمېر نوښتګرو ځوانانو سره چې ځيني برقي وسایل يې جوړ کړي وو، وکتل.

داطلاع. . .

BACK TO NEWS