زابل کې له خصوصي راډيوګانو څخه نظارت تر سره شو
زابل ولايت کې د اطلاعاتو او کلتور د رئیس مولوي رحمت الله حماد او د اطلاعاتو آمر مولوي حکمت الله محسن له لوري د شيخ متي، ښکلا، تعليم الاسلام او پيغام خصوصي راډيوګانو د فعالیتونو او نشراتو څخه نظارت تر سره شو.
د اطلاعاتو او کلتور رئيس مولوي رحمت الله حماد د نظارت پر مهال د رسنیو له مسؤلینو سره د نشراتو لا پياوړي کيدو په اړه خبرې وکړې او د رسنیو له مسؤلینو یې غوښتنه وکړه، چي په خپلو خپرونو کې اسلامي موضوعاتو ته لا زيات ځاى ورکړي، خپلو نشراتو کي داسې خپرونې ځای پر ځای کړي، چي د ټولنې د اصلاح سبب وګرځي.
نوموړي همدا راز د رسنیو له مسؤلینو وغوښتل، چې ټول نشرات او راډیويي خپرونې باید د اسلامي او افغاني ارزښتونو سره سم پر مخ یووړل شي.
د رسنیو مسؤلینو د اطلاعاتو او کلتور رياست سره په هره برخه کې د پوره همږغۍ او همکارۍ ډاډ څرګند کړ او ژمنه یې وکړه، چې له اصولو سره سم به خپل نشرات مخته وړي.
۱۴۴۶/۴/۱۶ هـ ق
۱۴۰۳/۷/۲۸ هـ ل
