بلخ کې له سلګونه زده کوونکو ازموينه واخستل شوه
دوشنبه ( ۱۶ د محرم الحرام ۱۴۴۶) د بلخ د اطلاعاتو او کلتور رياست له لوري د پوهنې رياست په همکارۍ په شولګرې ولسوالۍ کې له سلګونو زدهکوونکو څخه ازموينه واخستل شوه.
د بلخ ولایت د اطلاعاتو او کلتور ریاست د ځوانانو چارو آمريت له لوري د پوهنې ریاست په همغږۍ د شولګرې ولسوالۍ د پنځو لېسو څخه د شاوخوا ۱۲۰۰ زدهکوونکو په ګډون، په حق المبین کتاب کې چې مخکې له مخکې پر یادو زده کوونکو وېشل شوي وو، آزموینه واخیستل شوه.
ازموینه د شولګرې ولسوالۍ په قدیم عالي لېسه کې د اطلاعاتو او کلتور ریاست د ځوانانو چارو آمر سلطان محمد توخي او د یادو لېسو د آمرینو په حضور کې په نظم او ترتیب سره واخیستل شوه.
یاده ازموینه د خوارجو د پېژندلو او د زده کوونکو دیني معلوماتو زیاتولو لپاره ترتیب شوې وه.
د یادونې وړ ده چې د یادې سیالۍ بریالیو زده کوونکو ته به ځانګړې ډالۍ ورکول کېږي.
۱۴۰۳/۵/۲ هـ ل
۲۰۲۴/۷/۲۳ میلادي
