سرپل کې له يو شمېر لیکوالانو، شاعرانو او نوښتګرو ځوانانو سره ناسته ترسره شوه
تېره ورځ د سرپل ولايت د اطلاعاتو او کلتور رياست مسؤلينو د ياد ولايت له يو شمېر ليکوالانو، شاعرانو، نوښتګرو ځوانانو، خطاطانو، د رسنيو له مسؤلينو او فرهنګيانو سره د همغږۍ د پياوړتيا، د ځوانانو د ظرفيت لوړونې او د فرهنګيانو څخه د ملاتړ په موخه ناسته وکړه.
د ناستې ګډونوالو ته د اطلاعاتو او کلتور رئيس ملا عبدالغفار حقنما وويل: د ا.ا. مشران له ليکوالانو او فرهنګيانو څخه د ملاتړ لپاره مختلف پلانونه لري، ځکه هېواد د پرمختګ لپاره تاسو فرهنګيانو او ځوانانو ته اړتيا لري، د اطلاعاتو او کلتور رياست هم ستاسو له لاسته راوړنو څخه ملاتړ کوي، او دا ډول ناستې به د همغږۍ د پياوړتيا په موخه نورې هم زياتې کړو.
شاعرانو، ليکوالانو او فرهنګيانو د اطلاعاتو او کلتور رياست څخه د ناستې جوړولو له امله مننه وکړه، هغوی د کلتوري پروګرامونو او مشاعرو د ترسره کولو او د ليکوالانو او شاعرانو د کتابونو د چاپ کولو غوښتنه يې وکړه.
د غونډې په پای کې پرېکړه وشوه چې د سرپل ولايت د ليکوالانو او شاعرانو د ثبت کولو او پېژندلو لپاره به په اطلاعاتو او کلتور رياست کې ډيټابیس جوړ کړل شي.
۱۴۴۵/۷/۴ هـ ق
۱۴۰۲/۱۰/۲۵ هـ ش
