تخار کې د چاپخونو له مسؤلينو سره د همغږۍ ناسته وشوه
تېره ورځ د تخار ولایت د اطلاعاتو او کلتور رياست په دې ولايت کې د فعالو چاپخونو له مسؤلينو سره د جوازونو د اخستو او تمديد کولو، په لوحو، بینرونو، اعلاناتو او تبليغاتي تابلوګانو کې د سمو کلمو ليکنې په موخه د همغږۍ ناسته وکړه.
د اطلاعاتو او کلتور رياست له لوري د چاپخونو مسؤلينو ته توصيه وکړه، چې د لوحو او تبليغاتي اعلاناتو جوړولو پرمهال د بهرنيو کلمو او د اسلامي شريعت سره په مغايرت کې اصطلاحاتو له ليکلو او چاپ کولو څخه ځان ساتنه وکړي، او هغه شمېر چاپخونو ته چې د فعاليت جوازونه نه لري يوه مياشت وخت ورکړل شو، تر څو جوازونه ترلاسه کړي، د سرغړونې په صورت کې به قانوني چلند ورسره وشي.
همدا ډول د يادې ناستې پرمهال د چاپخونو مسؤلينو د اطلاعاتو او کلتو رياست له همکاريو مننه وکړه او په ياده شوې موده کې يې د فعاليت د جوازونو د اخستو ژمنه وکړه.
۱۴۴۵/۶/۲ هـ ق
۱۴۰۲/۹/۲۴ هـ ش
