د اطلاعاتو او فرهنګ وزارت د عامې روغتيا وزارت په همکارۍ د مور په شېدو د تغذيې نړيواله اوونۍ ونمانځله

moic_admin
Wed, Aug 07 2019 11:18 AM
د تغذيې نړيواله اوونۍ ونمانحله

د اطلاعاتو او فرهنګ وزارت په ملکي خدمتونوکې د  ښځو د ملاتړ آمريت د عامې روغتيا وزارت د مور په شېدو د تغذيې ادارې په همکارۍ د مور په شېدو د تغذيې نړيواله اوونۍ ونمانځله.
د باختر آژانس خبريال د خبرله مخې: په هغې غونډه کې چې په همدې مناسبت  د اطلاعاتو او فرهنګ وزارت په ملي نګارستان کې جوړه شوه؛ د عامې روغتيا وزارت د ناروغيو د طبي وقايې او کنټرول لوى رييس ډاکتر بشيراحمد حميد وويل: د مور په شېدو تغذيه يو طبيعي بهير دى او د مور شېدې الهي سوغات دى چې خداى (ج) مور ته ورکړى دى.
هغه زياته کړه چې د پوهانو څېړنو ښودلې ده چې د ژوند په لومړي يو ساعت کې که چېرې ماشوم د مور په شېدو تغذيه شي؛ د ماشومانو د مړينې کچه ٢٢ سلنه کمښت مومي او که په لومړيو شپږو مياشتوکې ماشومان د مور په شېدو تغذيه شي؛ په مړينه کې١٣سلنه کمښت راځي.
ډاکتر حميد زياته کړه: د عامې روغتيا د وزارت يو مهم کار وقايه ده چې يو له دې وقايې څخه د مور په شېدو تغديه ده. هغه ماشوم چې د مور په شېدو تغذيه شي؛ د نورو ماشومانو په پرتله چې په مصنوعي شېدو تغذيه کېږي، د زړه، وينې فشار او په نورو ناروغيو نه اخته کېږي.
د اطلاعاتو او فرهنګ وزارت د رسنيو پر خپرونو د څارنې رييس سيد جعفرراستين، په هېوادکې د مور په شېدو د تغذيې د ارزښت په اړوند د خلکو د پوهاوي د ټيټې کچې په اړه وويل: زيات عوامل شته چې ميندې خپل ماشومان په خپلو شېدو نه تغديه کوي.
هغه وويل چې ټولنيز، فرهنګي او ناوړه عنعنات او دودونه د مور په شېدو د ماشومانو پر تغديې بد اغېز لري او بايد د هغو په وړاندې ودريږو او په لومړي ګام کې د مور په شېدو د ماشومانو د تغذيې په برخه کې خپله پوهه او پوهاوي لوړ کړو.
د عامې روغتيا وزارت د تغذيې برخې رييسې ډاکترې مرسل مناتي د موضوع په اړوند خبرې وکړې او ويې ويل: د مور په شېدو تغديه د ماشومانو لپاره ډېره ګټوره ده  او د اسلام مبين دين هم د مور په شېدو د ماشومانو د تغذيې په برخه کې زيات ټينګار کړى دى.
د اطلاعاتو او فرهنګ وزارت په ملکي خدمتونو کې د ښځو د ملاتړ آمرې محبوبې سعادت وويل: د مورشېدې ماشوم لپاره يو الهي نعمت دى، ځکه د خوراکي ټولې اړتياوې د مور په شېدو کې نعښتې دي.
هغې وويل: د مورشېدې له ماشوم څخه د هرډول ناروغيو په وړاندې ملاتړ کوي او موږ بايد ټولو کورنيو ته په هرې ممکنې لارې چې وي؛ د مور شېدو د ګټو په باب پوهاوى ورکړو او بايد د ماشوم له زيږون وروسته له ټولو شېدې ورکوونکو ميندو سره د کورنيو له خوا مرسته او همکاري وشي او تر دوو کلونو پورې شېدې ورکوونکې ميندې بايد له ښو خوړو او ميوو څخه زياته استفاده وکړي.
محبوبې سعادت وويل: په ديني زده کړو کې د مور د شېدو په اړوند هم مهم ټکي مطرح شوي دي چې هم د خداى تعالى رضايت او هم د ماشوم د مور مصلحت به پکې وي او هيله کېږي چې د ماشومانو د مړينې مخه ونيول شي.

Latest news

Wed, Jan 15 2020 11:42 AM
Background image

Minister Safi Chairs Mass Media High Council meeting

 

Chaired by Acting Minister of Information and Culture Hasina Safi, the meeting of Mass Media High Council was held yesterday.
In the meeting, members of the council discussed holding. . .

Sat, Jan 11 2020 11:11 AM
Background image

Islamic Calligraphy Exhibition Opened at National Gallery

Mohammad Rasul Bawary, the deputy minister of information and culture on cultural and art affairs inaugurated a 2-day exhibition showing calligraphy of the Islamic era at the National. . .

Thu, Jan 09 2020 8:39 AM
Background image

Minister Safi Inaugurates Exhibition of Islamic Manuscripts

Acting Minister of Information and Culture, Ms. Hasina Safi has inaugurated an exhibition in which the Islamic Manuscripts and Texts were shown, BNA reported the other day.
A ceremony. . .

BACK TO NEWS