د فاریاب د اطلاعاتو او فرهنګ رئیس د یو پلاوي په مشرۍ اندخوی ولسوالۍ ته سفر وکړ
د فاریاب د اطلاعاتو او فرهنګ رئیس د یو پلاوي په مشرۍ اندخوی ولسوالۍ ته د سفر په لړ کې د رسنیو مسؤلینو سره ولیدل او د اندخوی ولسوالۍ له عامه کتابتون څخه یې لیدنه وکړه.
د اطلاعاتو او فرهنګ رئیس د رسنیو مسؤلین خپلو مسؤلیتونو ته متوجه کړل او په ټولنه کې د عامه پوهاوي په برخه کې یې د هغوی پر مهم رول ټینګار وکړ.
نوموړي همدارنګه د عالیقدر امیرالـ...مؤمنین (حفظه الله) د (۱۷) ګڼې (ناوړه دودونو مخنیوی) فرمان تشریح کړ او د رسنیو له مسؤلینو څخه یې وغوښتل چې د اغېزمنې اطلاع رسانۍ له لارې خلک د دغه فرمان له محتوا څخه لا ښه خبر کړي.
د اطلاعاتو او فرهنګ رئیس د دغه سفر په لړ کې د اندخوی ولسوالۍ د تاریخي آبداتو، د امام شمسالدین عامه کتابتون، سیاحتي شرکتونو، کتابپلورنځیو او د اصنافو له لوایحو څخه هم لیدنه او څارنه وکړه.
نوموړي د فرهنګي چارو د انسجام په موخه، د کتابپلورنځیو د ثبت او راجستر بهیر پیل کړ.
۱۴۴۷/۱۱/۱۶ هـ ق
