د يونسکو پلاوي د عامه کتابتونونو له رياست څخه ليدنه وکړه
د يونسکو مؤسسې د بېلابېلو څانګو پلاوي د عامه کتابتونونو له رياست څخه ليدنه وکړه.
د عامه کتابتونونو رئيس حافظ نعمت الله منتظر راغلي پلاوي ته ښه راغلاست ووايه او د تېرو ليدنو د مطرح شويو موضوعاتو ترڅنګ يې د عامه کتابتونونو د تعمير او تجهيز په اړه يې هم د يادې مؤسسې له پلاوي سره خبرې وکړې.
د يونسکو مؤسسې د پلاوي په استازيتوب د دغې ادارې د ښوونې او روزنې څانګې کارکوونکي فريد ميرزاد د يونسکو د بېلابېلو څانګو او فعاليتونو په اړه معلومات وړاندې کړل، همدا راز د يونسکو د بېلابېلو څانګو استازو د عامه کتابتونونو له رياست سره د بشپړې همکارۍ ډاډ ورکړ.
تر څنګ يې راغلي پلاوي د مرکزي عامه کتابتون له بېلابېلو تالارونو څخه هم ليدنه وکړه.
۱۴۴۶/۷/۲۰ ق
۱۴۰۳/۱۱/۲ ل
