د تخار ولایت د خبریالانو او رسنیو له مسوولینو سره د همږغۍ ناسته ترسره شوه
د تخار د اطلاعاتو او کلتور ریاست له لوري د حکومت، خبریالانو او د رسنیو مسوولینو تر منځ د لا ښه انسجام، کره او بې طرفه اطلاع رسونې لپاره د همږغۍ ناسته جوړه شوې وه.
د تخار د اطلاعاتو او کلتور رییس مولوي ذبیح الله انصاري د رسنیو د ارزښت او اهمیت په اړه خبرې وکړې او له محلي خبریالانو یې وغوښتل چې خپل یووالی او اتحاد وساتي او له فتنه جوړونې څخه ډډه وکړي.
عبدالسمیع خاوري او نصرت ابراهیمي د خبریالانو او رسنیو مسوولینو په استازیتوب خبرې وکړې، خپلې ستونزې او وړاندیزونه یې شریک کړل او د هغو د حل غوښتنه یې وکړه.
یادونې وړ ده، چې د تخار د اطلاعاتو او کلتور ریاست له لوري د خبریالانو او رسنیو مسوولینو سره د همغږۍ ناسته هره میاشت ترسره کېږي.
۱۴۴۶/۵/۲۱ ه ق
۱۴۰۳/۹/۳ ه ش
