د سياحتي شرکتونو له اتحاديې سره د همږغۍ ناسته وشوه
پنجشنبه( ۱۹ د جمادی الاولی ۱۴۴۶) د اطلاعاتو او کلتور وزارت د ګرځندوی، مالي او اداري چارو معین مولوي قدرت اللّٰه جمال په مشرۍ د سياحتي شرکتونو د اتحادیې له مسؤلینو سره د تسهيلاتو رامنځته کولو او همغږۍ په موخه ناسته وشوه.
د ناستې په ترڅ کې د سياحتي شرکتونو د اتحادیې مسؤلینو خپلې ستونزې او وړاندیزونه له مسؤلینو سره شريک کړل.
همدا راز د ګرځندوی، مالي او اداري چارو معین ښاغلي جمال وويل: غواړو په ټول هېواد کې د ګرځندوی صنعت ته پراختیا ورکړو، ياد صنعت معياري او ډېجېټل کړو، تر څنګ يې د سياحتي شرکتونو له پاره تسهيلات رامنځته کړو.
ښاغلي جمال زياته کړه؛ سياحتي شرکتونه کولای شي، چې د بهرنيو سيلانيانو په جذبولو کې مهم رول ولوبوي.
ناسته د دعايې په لوستلو سره پای ته ورسېده.
۱۴۹۳/۹/۱ ھـ ل
۲۰۲۴/۱۱/۲۱ ميلادي
