د فارياب په قیصار او چلګزي کې د امارت پېژندنې سيالۍ پايلې اعلان شوې

د فارياب ولايت د اطلاعاتو او کلتور رياست له لوري په قیصار او چلګزي ولسواليو کې د پوهنې رياست سره په همغږۍ د امارت پېژندنې علمي سيالي ترسره شوې وه، چې پايلې يې د يوې غونډې په ترڅ کې د اطلاعاتو او کلتور او پوهنې رياستونو د مسؤلينو، علماوو، د ښوونځيو د استادانو او د سيالۍ د ګډونوالو په ګډون اعلان شوې.
د اطلاعاتو او کلتور رياست رئيس مولوي شمس الدين محمدي وويل: دا سيالي د ۱۷۰ تنو ځوانانو ترمنځ ترسره شوې وه، چې ځوانانو ته د امارت پېژندنې په اړه د مطالعې او د پوهې د سطحې د لوړولو په موخه مو ترسره کړه.
د سيالۍ ګډونوالو د اطلاعاتو او کلتور رياست څخه د خوښۍ په څرګندولو سره وويل: د دې ډول سياليو ترسره کول په ټولنه کې د مطالعې کلتور د عامولو لپاره مهم دي.
د يادونې وړ ده، چې د اطلاعاتو او کلتور رياست له لوري لومړي مقام ګټونکي ته يو پايه کمپيوټر، دوهم مقام ګټونکي ته يو سيټ موبایل او تر لسم مقام ګټونکو ته نغدي او معنوي ډالۍ ورکړل شوې.

۱۴۴۶/۳/۱۳ هـ ل
۱۴۰۳/۶/۲۶ هـ ل