کابل کې فریلانسینګ (آنلاین تجارت) لپاره ازموينه واخستل شوه
چهارشنبه ( ۲۰ د ذوالقعدې ۱۴۴۵) د اطلاعاتو او فرهنګ وزارت د ځوانانو چارو معینیت د (WAR child canada ) مؤسسې په همکارۍ په مرکز کابل کې د فریلانسینګ ( آنلاین تجارت ) پروګرام لپاره د ١٥٠ تنو ځوانانو څخه په حضوري ډول ازموینه واخیستل شوه، چې د یادو ځوانانو څخه به ٥٠ کسانو ته د فریلانسینګ ( آنلاین تجارت ) په برخه کي زده کړې ورکړل شي.
د ځوانانو چارو معینیت د برنامو رئیس حضرت الله شریفي د ازموینې ګډونوالو ته ډاډ ورکړ، چې د ازموینې پروسه به په ډیر شفاف ډول تر سره او وړ کسان به د زده کړو لپاره انتخاب شي.
د ازموينې ګډونوالو د ځوانانو چارو معینیت څخه د مننې ترڅنګ د داسې برنامو د لازیاتوالي غوښتنه وکړه.
۱۴۰۳/۳/۹ هـ ل
۲۰۲۴/۵/۲۹ میلادي
