دايکندي کې د مطبوعاتو له مسؤلينو سره د همغږۍ غونډه جوړه شوه
سه شنبه ( ۱۹ ذوالقعده ۱۴۴۵ ) د دايکندي ولايت د اطلاعاتو او فرهنګ رياست له لوري له خبريالانو او د رسنيو له مسؤلينو سره د همغږۍ غونډه جوړه شوه.
د اطلاعاتو او فرهنګ رئيس سيد مصطفى صالح وويل: د امارت له خوا رسنيو ته له اصولو سره سم، دقيق او پر وخت معلومات ورکول کيږي او له خبريالانو يې وغوښتل، چې د بې طرفه اصول مراعات کړي او د راپورونو او خبرونو په چمتو کولو کې حقايق منعکس کړي.
په ياده غونډه کې د اطلاعاتو آمر ضیا محمد هاشمي وویل: د افغانستان د اسلامي امارت د اصولو او تګلارې له مخې اطلاعاتو ته د هر وګړی د لاسرسي زمینه برابره شوې ده.
خبريالانو په رسنيزه برخه کې د اطلاعاتو او فرهنګ رياست له همکارۍ مننه وکړه او ويې ويل: د ا.ا.ا له راتګ وروسته له کومې ستونزې سره نه دي مخ شوي.
۱۴۰۳/۳/۸ ھ ش
۲۰۲۴/۵/۲۸ ميلادي
