د ګرځندوی، مالي او اداري چارو معين بدخشان ولايت ته سفر وکړ
شنبه ( ۱۶ ذوالقعده ۱۴۴۵ ) د اطلاعاتو او فرهنګ وزارت د ګرځندوی، مالي او اداري چارو معین مولوي سعدالدین سعید بدخشان ولايت ته د سفر په ترڅ کې د اطلاعاتو او فرهنګ له رئیس انجنیر ذبیح الله امیري او د دې ادارې له کارکوونکو سره وکتل.
ښاغلي سعید د خپل سفر په ترڅ کې له محلي موزیم، د پل خشتي تاریخي آبده، عامه کتابتون او د دې ادارې له ګن شمېر تاريخي سيمو لیدنه وکړه، ھمداراز يې د اطلاعاتو او فرهنګ ریاست وړاندیزونه واورېدل او د حل په موخه يې ډاډ ورکړ.
نوموړي د کاري چارو د ښه والي او مراجعینو ته د خدمتونو د اغېزمنتوب په موخه د اطلاعاتو او فرهنګ ریاست کارکوونکو ته یو لړ لازمې لارښوونې وکړې او له دوی یې وغوښتل، چې په ژمنتیا او لېوالتیا سره دي خپلو دندو ته دوام ورکړي.
۲۰۲۴/۵/۲۵ ميلادي
۱۴۰۳/۳/۵ ھ ش
