د عامه کتابتونونو رئيس کاپيسا ولايت ته سفر وکړ
پنجشنبه (۳۰ د شوال المکرم ۱۴۴۵) د اطلاعاتو او فرهنګ وزارت د هنر او فرهنګ معينيت اړوند د عامه کتابتونونو رئيس قاري عبیدالله حنیف د کاپيسا ولايت د اطلاعاتو او فرهنګ رياست د فرهنګ او ګرځندوی آمر نصرت الله نصرت او د عامه کتابتون د مدير نظير احمد هاشمي په ملتيا د مرکز محمود راقي او ولسواليو له عامه کتابتونونو څخه ليدنه وکړه.
د کاپيسا ولايت د عامه کتابتون مدير نظير احمد هاشمي د کتابتونونو د عمومي وضعيت په اړه معلومات شريک کړل او د مرکز او ولسواليو د عامه کتابتونونو د ستونزو يادونه يې وکړه.
د عامه کتابتونونو رئيس قاري عبیدالله حنیف وعده وکړه، چې د کاپيسا ولايت د ټولو عامه کتابتونونو ستونزو ته به د حل لار پيدا کوي.
۱۴۰۳/۲/۲۰ هـ ل
۲۰۲۴/۵/۹ میلادي
