لوګر، بغلان، بدخشان او غور ولایتونو کې د سېلاب ځپلو لپاره د مرستي صندوقونه ايښودل شوي دي
شنبه ( ۲ ذوالقعده ۱۴۴۵ ) د لوګر د اطلاعاتو او کلتور ریاست په هلو ځلو د دې ولایت د ولسونو په ګډه همکاري په بغلان، بدخشان او غور ولایتونو کې د وروستیو سختو ورښتونو او سېلابونو له امله زیانمن شویو کورنیو سره د همدردۍ او غمشریکۍ په موخه پل علم ښار اړوند د ښاروالۍ څلور لارې کې د مرستې راټولو صندوقونه ايښودل شوي وه.
د لوګر د اطلاعاتو او کلتور ریاست د ځوانانو چارو آمر د یادو ولایتونو د شهیدانو کورنیو ته تسلیت او ټپیانو ته د عاجلې روغتیا غوښتنه وکړه او ترڅنګ یې د لوګر په ټولو خیریه بنسټونو او ولسونو غږ وکړ، چې د خپل وس مطابق له خپلو هېواد والو سره مرستې ته راودانګي.
د نوموړي په وینا؛ د مرستې راټولو دغه کمپاین به درې ورځې دوام وکړي، چې راټولي شوي مرستې به د یوې کمیټې له خوا تر زیانمنو کورنیو ورسیږي.
د یادونې وړ ده، چې تر دې وړاندې هم د اطلاعاتو او کلتور ریاست او د لوګر د ولسونو لخوا هرات او بادغیس ولایتونو زلزله ځپلو کورنیو سره د مرستې په موخه صندوقونه ايښودل شوي وو.
۲۰۲۴/۵/۱۱ ميلادي
۱۴۰۳/۲/۲۲ ھ ش
