په غزني کې ۶ تاریخي آبدې په اساسي توګه ورغول شوې
په غزني ولایت کې ۶ تاریخي آبدې په اساسي توګه ورغول شوې. د یادو تاریخي آبدو د رغولو چارې درې میاشتې مخکې په دغه ولایت کې پیل شوې وې.
په دې اړه د غزني د اطلاعاتو او کلتور رئیس ملا حمیدالله نثار وایي: په رغول شویو تاریخي آبدو کې د خواجه ملکیار پرنده، تاج اولیا تاریخي مقبرې، د غزني زاړه ښار بالابین برج او د غزنویانو دورې د دوو څلو د فرش ډبرې شاملې دي.
ښاغلی نثار زیاتوي: یادې شپږ تاریخي آبدې د د يونسکو نړيوال سازمان د ۴٫۵ ملیونه افغانيو په مالي ملاتړ د تعلیم او کلتور (ECSO) موسسې له لوري ورغول
شوې.
د یادوني وړ ده چې له دې وړاندې د غزني د اطلاعاتو او کلتور ریاست مسؤلینو ویلي وو، چې په دغه ولایت کې ۱۰ تاریخي آبدې بیارغونې ته اړتیا لري او یو شمېر یې د نړېدو له ګواښ سره مخ دي.
۱۴۴۵/۴/۲۷ هـ ق
۱۴۰۲/۸/۲۰ هـ ش
