پروان کې د کتاب لوستلو ستره سيالي تر سره شوه
پروان ولایت کې اطلاعاتو او کلتور ریاست او پوهني ریاست په ګډه همکارۍ د امارت پېژندنې، حق المبین او شیطان لښکر تر عنوان لاندې د کتابونو لوستلو ستره سيالي تر سره شوه.
یاده سیالي د پروان ولایت په عیدګاه جومات کې تر سره شوه، چې تر زرو ډېرو کسانو پکې ګډون کړی و.
د پروان ولايت د پوهنې رئيس مفتي محمد حسن حقاني د نوماندانو له مطالعې سره د لېوالتيا څخه خوښي څرګنده کړه او ويې ويل: دغه ازموينه ستاسو د استعدادونو د ودې او ستاسو د پټو استعدادونو د پياوړتيا په موخه جوړه شوې ده او تاسو کولای شئ له دې لارې ديني پوهاوى ترلاسه کړئ.
په ورته وخت کې د یاد ولایت د اطلاعاتو او کلتور رئیس مولوي شمس الرحمن صدیقي وویل: د کتاب لوستلو دغه سیالي چې د سیدخېلو، بګرام، جبل السراج د ځوانانو ترمنځ جوړه شوې وه. موخه یې ځوانانو او زده کوونکو ته عامه پوهاوی دی.
ښاغلي صديقي زياته کړه، چې په دې سياليو کې به لس تنه غوره ګټونکي اعلان شي او په جايزو سره به وستایل شی.
۱۴۴۵/۴/۲۲ هـ ق
۱۴۰۲/۸/۱۵ هـ ش
