د اطلاعاتو او کلتور سرپرست وزير د پنجشير د اطلاعاتو او کلتور ریاست لاسته راوړنې وستایلې
د اطلاعاتو او کلتور وزارت سرپرست وزير ملا خيرالله خيرخواه صاحب په خپل کاري دفتر کې د پنجشير ولايت د اطلاعاتو او کلتور له رئيس مولانا نصرالله ملک زاده سره وکتل.
په پیل کې مولانا نصرالله ملک زاده د پنجشير ولايت د اطلاعاتو او کلتور ریاست د کړنو، لاسته راوړنو او پرمختګونو په اړه ښاغلي خیرخواه صاحب ته معلومات وړاندې کړل او همداراز یې د یاد ریاست اړوند ځینې ستونزې هم مطرح کړې او له ښاغلي خیر خواه صاحب څخه یې د همکارۍ غوښتنه وکړه.
همدارنګه ښاغلي ملک زاده په دغه ولایت کې د افغانستان د اسلامي امارت د پاليسۍ له مخې د کلتوري پروګرامونو د پلي کېدو ډاډ ورکړ.
ورپسې ښاغلي ملا خيرالله خيرخواه هم د دوی کلتوري کړنې وستایلې او په یادو برخو کې یې د بشپړې همکارۍ ډاډ ورکړ.
۱۴۴۵/۴/۲۲ هـ ق
۱۴۰۲/۸/۱۵ هـ ش
