لغمان کې د تاریخي آبدو د ساتنې په موخه د ټاکل شوي کمېسیو غونډه تر سره شوه
په لغمان ولایت کې د سراج قلا او مهترلام بابا تاریخي آبدو څخه د ساتنې او ښې استفادې په موخه ټاکل شوي کمېسیون خپله لومړنۍ ناسته ترسره کړه.
د دغه ولایت د اطلاعاتو او کلتور ریاست او ولایت مقام په لارښوونه له تاریخي آبدو او سیمو څخه د ساتنې او استفادې په موخه د اطلاعاتو او کلتور ریاست په مشرۍ ځانګړی کمېسیون جوړ شوی و، یاد کمېسیون په دې اړه نن خپله لومړۍ ناسته تر سره کړه او پر دې یې بحث وکړ چې څه رکم و کولای شو، چې د سراج قلا او مهترلام بابا زیارت له تاریخي سیمو څخه ښه ساتنه او استفاده وکړو.
د کمېسیون غړو په خپلو خبرو کې وویل: چې له دې سیمو څخه باید داسې ساتنه او استفاده وشي، چې دولت ته یې عواید جمع شي او ځوانانو ته د کار زمینه هم پکې برابره شي، ددوی پر وینا په یادو سیمو کې به د ننداره چیانو او سیلانیانو لپاره لاښه سهولتونه برابر کړي.
۱۴۴۵/۲/۶ هـ ق
۱۴۰۲/۶/۱ هـ ش
