د مطالعې او تاریخي میراثونو د ارزښت په اړه معلومات وړاندې شول

د لوګر ولایت د اطلاعاتو او کلتور ریاست د موزیم عمومي مدیر او د عامه کتابتون مدیر له لوري د مطالعې د دود غښتلتیا، تاریخي ځایونو او کلتوري میراثونو د ارزښت په اړه مرکز ته اړوند د جویک ښوونځي زده کوونکو ته معلومات وړاندې شول.
یادو مسؤلینو زده کوونکو ته په ټولنه کې د مطالعې د ارزښت، د تاریخي او لرغونو سیمو، د موزیم او تاریخي آثارو د ساتنې په اړه هر اړخیز معلومات وړاندې کړل او د یادې لیسې له مشرتابه او زده کوونکو څخه یې غوښتنه وکړه، چې د مطالعې د کلتور د پیاوړتیا او همدارنګه د تاریخي او کلتوري میراثونو د ساتلو په برخو کې پاملرنه وکړي.
همداراز د یادې ښوونځۍ مسؤل د اطلاعاتو او کلتور ریاست له دغه اقدام څخه مننه وکړه، چې ځوانان او زده کوونکي هڅوي او ترڅنګ یې د خپل هېواد له تاریخي شتمنیو او ویاړونو هم خبروي.

۱۴۴۵/۱/۸ هـ ق
۱۴۰۲/۵/۳ هـ ش