د زابل اطلاعاتو او کلتور ریاست او (TLO) موسیسې د زون د مسٶلينو تر منځ د همغږۍ ناسته ترسره شوه
تېره ورځ د زابل ولایت د اطلاعات او کلتور رئيس مولوي رحمت الله حماد، د ( TLO ) موسيسې د زون له مسٶلينو سره په داسې حال کې د همغږۍ ناسته تر سره کړه چې پر مهال يې د اطلاعاتو او کلتور ریاست د ګرځندوي آمر او د ځوانانو چارو عمومي مدير هم حضور درلود.
په ناسته کې د دواړو لوریو تر منځ پر هر اړخیزو همکاریو بحث وشو.
ورپسې د اطلاعاتو او کلتور رئيس مولوي رحمت الله حماد وویل، مونږ ژمن یو، چې د ځوانانو لپاره په بېلابېلو برخو کې علمي سیمینارونه، د ذهنیت جوړونې پروګرامونه او نور ښوونیزو مرکزونه جوړ کړو.
ور پسې د TLO موسیسې مسٶل صدیق الله نورزي خبرې وکړې او ویې ويل، داچې د TLO موسیسې له لورې د اطلاعاتو او کلتور وزارت ترمنځ د هوکړه لیک له مخې دوی د هېواد په ۲۸ ولایاتونو کې داطلاعاتو او کلتور ریاستونو د ځوانانو آمریتونو له لارې ځوانانو ته په مختلفو برخو کې کار وکړي.
د یادونې وړ ده چې یاده موسیسه به په نږدې راتلونکې کې د زابل ولایت سربیره د هېواد په زياتو نورو ولايتونو کې هم د ځوانانو لپاره د اطلاعاتو او کلتور ریاستونو سره په همغږۍ خپل فعالیتونه پیل کړي.
۱۴۴۴/۹/۲۰ هـ ق
۱۴۰۲/۱/۲۲ هـ ش
