د اطلاعاتو او کلتور وزارت سرپرست د غزني اطلاعاتو او کلتور ریاست له رئیس سره وکتل

تېره ورځ د اطلاعاتو او کلتور محترم وزیر ملا خیر الله خیرخواه په خپل کاري دفتر کې د غزني ولايت د اطلاعاتو او کلتور رياست  له رئیس ملا حميدالله نثار سره وکتل.
ښاغلي نثار له محترم وزیر صاحب سره خپلې لاسته راوړنې، پرمختګونه، نوښتونه او شته ستونزې شریکي کړې او غزني د تاريخي آبداتو د ساتنې او روان وضعيت په اړه يې وضاحت وکړ او د همکارۍ غوښتنه یې وکړه.
ښاغلي خیرخواه، نوموړي رئیس ته تر ښه راغلاست ویلو وروسته د دوی کارونه او هڅې وستایلې او د کارونو د لا ښه بهبود لپاره یې لازمي مشوري او سپارښتنې ورته وکړي، همدا راز یې د دوی ستونزې، غوښتنې او وړاندیزونه واوریدل او ډاډ یې ورکړ چې وړاندیزونو او ستونزو ته به یې جدي رسیدګي او د تاریخي آبداتو ساتنې ته پاملرنه کیږي.
۱۴۴۴/۹/۱۱ هـ ق
۱۴۰۲/۱/۱۳ هـ ش