د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

farzad_moicgovaf
چهارشنبه ۱۴۰۰/۳/۱۹ - ۲۰:۵۵
د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

د اطلاعاتو او فرهنګ وزارت نن په ملي ګالري کې د موسیقۍ د سرتاج ارواښاد استاد محمد حسین سر آهنګ ۳۹ تلین ونمانځه.

د اطلاعاتو او فرهنګ وزارت سرپرست محمد طاهر زهیر په دې نمانځغونډه کې د خرابات کوڅې پر مخینې خبرې وکړې او زیاته یې کړه چې څلور لسیزې جګړې پر نورو زیانونو سربېره موسیقۍ ته هم ستر زیان اړولی، په خبره یې کورنۍ جګړې د موسیقۍ د ودې مخه ونیوله.

هغه هنرمندانو ته ډاډ ورکړ چې د موسیقۍ د ودې لپاره به عملي ګامونه پورته کړي او په دغه برخه کې شته ستونزې به اوارې کړي.

په ورته وخت کې د اطلاعاتو او فرهنګ وزارت د فرهنګ او هنر معین هارون حکیمي هنر د ژوند تصور وباله او زیاته یې کړه چې له تصوره پرته ژوند کول ستونزمن دي.

حکیمي وویل چې هنر د تصور د وړاندې کولو وسیله ده، هغه وايي ژمن دی چې له دې وروسته د ټولو هنري پروګرامونو نمانځنې ته ځانګړې پاملرنه وکړي.

سر آهنګ ډیرې سندرې ویلي او د افغانستان د نامتو سندر غاړو په ډله کې شمېرل کېږي چې د موسیقۍ په ډګر کې یې ډېر لقبونه هم ترلاسه کړي دي.

هغه د موسیقۍ لومړنۍ زده کړې له خپله پلاره پروفیسور غلام حسین څخه تر لاسه کړي  او بیا یې  په هند کې د پټیاله  ښوونځي له بنسټګر  استاد عاشق علي سره ۱۶ کاله شاګردي وکړه.

د کابل خرابات سیمه د استاد  محمد حسین سر آهنګ او د سنتي موسیقۍ د ځینو نورو مخکښانو د زوکړې ځای دی.

استاد سرآهنګ له نن څخه ۳۹ کاله مخکې د ۱۳۶۱ کال د غبرګولي په ۱۶مه په خپل ټاتوبي د کابل  په خرابات کوڅه کې د ۶۵ کلونو په عمر ومړ.

هغه د کابل د شهدای صالحین د ترکانو په هدیره کې خاورو ته سپارل  شوی دی.

د یادونې وړ ده چې د یادې نمانځغونډې په یوه څنډه کې هنري تابلوګانې او هغه مستند فلم چې افغان فلم ریاست پر استاد سر آهنګ او خرابات کوڅې جوړ کړی و، هم نندارې ته وړاندې شول.

کابل/ د غبرګولي ۱۹ مه/ باختر

تازه ترین اخبار

شنبه ۱۴۰۰/۳/۲۲ - ۱۶:۱۹
Background image

محمد طاهر زهیر و شماری از مسوولان حکومتی در برابر پیکر پوهاند باوری ادای احترام کردند

محمد طاهر زهیر سرپرست وزارت اطلاعات و فرهنگ، امروز، با ادای احترام در برابر پیکر پوهاند محمد رسول باوری معین پیشین وزارت اطلاعات و فرهنگ، بر روح وی دعا کرد.

به گزارش خبرنگار آژانس. . .

شنبه ۱۴۰۰/۳/۲۲ - ۱۰:۸
Background image

پیام تاثر و همدردی محمد طاهر زهیر، سرپرست وزارت اطلاعات و فرهنگ در پیوند به درگذشت پوهاند محمد رسول باوری، معین پیشین وزارت اطلاعات و فرهنگ و استاد پوهنتون کابل

با تاسف و تالم فراوان دریافتم که پوهاند محمد رسول باوری، معین پیشین فرهنگ و هنر وزارت اطلاعات و فرهنگ، استاد پوهنتون کابل، باستان شناس و شخصیت فرهنگی شناخته شدۀ کشور بنابر مریضی یی که. . .

پنجشنبه ۱۴۰۰/۳/۲۰ - ۱۶:۳۸
Background image

محمد طاهر زهیر: وزارت اطلاعات و فرهنگ با تمام توان از فرهنگ و هنر، به ویژه صنعت فلم سازی حمایت می کند

محمد طاهر زهیر، سرپرست وزارت اطلاعات و فرهنگ امروز در  مراسم افتتاح تالار افغان فلم  و نمایش دو فلم کوتاه ساخت افغان فلم،  گفت  که وزارت اطلاعات و فرهنگ با تمام توان از فرهنگ و هنر، به. . .

BACK TO NEWS