د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

farzad_moicgovaf
Wed, Jun 09 2021 8:55 PM
د اطلاعاتو او فرهنګ وزارت د استاد محمد حسین سرآهنګ ۳۹ تلین ونمانځه

د اطلاعاتو او فرهنګ وزارت نن په ملي ګالري کې د موسیقۍ د سرتاج ارواښاد استاد محمد حسین سر آهنګ ۳۹ تلین ونمانځه.

د اطلاعاتو او فرهنګ وزارت سرپرست محمد طاهر زهیر په دې نمانځغونډه کې د خرابات کوڅې پر مخینې خبرې وکړې او زیاته یې کړه چې څلور لسیزې جګړې پر نورو زیانونو سربېره موسیقۍ ته هم ستر زیان اړولی، په خبره یې کورنۍ جګړې د موسیقۍ د ودې مخه ونیوله.

هغه هنرمندانو ته ډاډ ورکړ چې د موسیقۍ د ودې لپاره به عملي ګامونه پورته کړي او په دغه برخه کې شته ستونزې به اوارې کړي.

په ورته وخت کې د اطلاعاتو او فرهنګ وزارت د فرهنګ او هنر معین هارون حکیمي هنر د ژوند تصور وباله او زیاته یې کړه چې له تصوره پرته ژوند کول ستونزمن دي.

حکیمي وویل چې هنر د تصور د وړاندې کولو وسیله ده، هغه وايي ژمن دی چې له دې وروسته د ټولو هنري پروګرامونو نمانځنې ته ځانګړې پاملرنه وکړي.

سر آهنګ ډیرې سندرې ویلي او د افغانستان د نامتو سندر غاړو په ډله کې شمېرل کېږي چې د موسیقۍ په ډګر کې یې ډېر لقبونه هم ترلاسه کړي دي.

هغه د موسیقۍ لومړنۍ زده کړې له خپله پلاره پروفیسور غلام حسین څخه تر لاسه کړي  او بیا یې  په هند کې د پټیاله  ښوونځي له بنسټګر  استاد عاشق علي سره ۱۶ کاله شاګردي وکړه.

د کابل خرابات سیمه د استاد  محمد حسین سر آهنګ او د سنتي موسیقۍ د ځینو نورو مخکښانو د زوکړې ځای دی.

استاد سرآهنګ له نن څخه ۳۹ کاله مخکې د ۱۳۶۱ کال د غبرګولي په ۱۶مه په خپل ټاتوبي د کابل  په خرابات کوڅه کې د ۶۵ کلونو په عمر ومړ.

هغه د کابل د شهدای صالحین د ترکانو په هدیره کې خاورو ته سپارل  شوی دی.

د یادونې وړ ده چې د یادې نمانځغونډې په یوه څنډه کې هنري تابلوګانې او هغه مستند فلم چې افغان فلم ریاست پر استاد سر آهنګ او خرابات کوڅې جوړ کړی و، هم نندارې ته وړاندې شول.

کابل/ د غبرګولي ۱۹ مه/ باختر

تازه ترین اخبار

Wed, May 26 2021 3:38 PM
Background image

President Ghani Meets Leadership of MoIC

President Ashraf Ghani met with leadership of Ministry of Information and Culture at the Presidential Palace today.

During the meeting, leadership of the ministry shared their. . .

Wed, May 26 2021 3:24 PM
Background image

President Ghani Meets Miniature Girls Team, Encouraged Them

President Ashraf Ghani met miniature girls’ team who carry out miniature works in the historical places and encouraged them on Tuesday.

Presidential palace by releasing a statement. . .

Wed, May 19 2021 9:45 AM
Background image

All Afghans Responsible to Protect Historical Assets, Cultural Heritage: Minister Zuhair

Mohammad Tahir Zuhair, Acting Minister of Information and Culture, at the celebration of the International Museum Day on Tuesday said that historical honors and cultural heritage of the. . .

BACK TO NEWS