کونړ کې د فرهنګي یرغل مخنیوي په نوم پروګرام ترسره شو

د کونړ اطلاعاتو او کلتور ریاست له لوري د یاد ریاست اړوند ښوونیز مرکز کې ګڼ شمېر ځوانانو ته د فرهنګي یرغل مخنیوي په نوم پروګرام ترسره شو.
مسؤلینو د فرهنګ پیژندنې، د ځوانانو مسؤلیتونو او د ناوړه دودونو د زیانونو په اړه خبرې وکړې او زیاته یې کړه، چې په اسلامي نظام کې ټول فرامین د شريعت په رڼا کې جوړ شوي او موخه يې د ولسونو د ستونزو حل دی.
ورته مهال ځوانانو ژمنه وکړه، چې د ناوړه دودونو له منځه وړلو په برخو کې به لا زیاتې هڅې وکړي او خلکو ته به د ناوړه دودونو د زیانونو په اړه عامه پوهاوی وکړي.
د یادونې وړ ده، چې له یاد پروګرام څخه موخه د ټولو فرامینو پلي کول او د فرهنګي يرغل مخنيوی دی، تر څو ولسونه د اسلامي شريعت په رڼا کې په ارامه توګه ژوند وکړي.

۱۴۴۷/۸/۱۹ هـ ق