پنجشېر کې ( د ځوانانو په بریا کې د علم او تقوا رول) تر سرلیک لاندې پروګرام ترسره شو

د پنجشېر ولایت د اطلاعاتو او کلتور ریاست له لوري (د ځوانانو په بریا کې د علم او تقوا رول) تر سرلیک لاندې پروګرام د ځوانانو په شتون کې ترسره شو.
د اطلاعاتو او کلتور رئیس مولوي نصرالله ملک زاده ټینګار وکړ، چې ځوانان دې د علم ترلاسه کولو ترڅنګ تقوا ته هم ځانګړې پاملرنه وکړي، ترڅو ریښتني بریاليتوبونو ته ورسیږي.
د ځوانانو چارو آمر وویل: ځوانان د هېواد ستره پانګه ده، باید د علم او تقوا څخه په ګټې اخېستلو سره د خپل ژوند مسیر روښانه کړي.
نوموړي زیاته کړه؛ تقوا د زړه د روښانتیا او علم د هدایت وسیله ده، دا دواړه د دنیا او اخرت د سعادت وسیلې دي، چې د دې دوو ارزښتونو په ترویج کولو سره ټولنې ته روښانه راتلونکی ټاکل کیږي، ځوانان د دغو دوو ارزښتونو په ترلاسه کولو سره کولای شي، انساني کمال او پایښت لرونکې بریا ته ورسیږي.
همدا راز ګډونوالو ځوانانو د اطلاعاتو او کلتور ریاست څخه د مننې ترڅنګ د داسې نورو پروګرامونو د جوړولو غوښتنه وکړه.

۱۴۴۷/۱/۴ هـ.ق